Jemi në shekullin 21. Bota sot është më pak mistere se kurdoherë. Ajo që dikur ishte e pa imagjinuar sot është realitet, ajo që ishte e pa arritshme sot është një hap pranë.

Teknologjia informative e ka bërë botën një komunitet virtual, ku koha dhe distanca kanë humbur kuptimin e vërtetë të tyre. Një kompjuter dhe një lidhje telefonike hapin dritaren në dimenzionin abstrakt ku volumet me dituri të të gjitha fushave arrijnë deri në infinit.

Agjencia Informative Islame - Vizioni 21, si alternativë bashkohore e mediave aktuale shqiptare, synon që  publikut shqipfolës t'i ofrojë ato informacione që pak a shumë mediat në fjalë nuk i publikojnë. Pra, objektivi i saj është që, edhe në gjuhën shqipe, çështjet dhe ngjarje me rëndësi për muslimanët të trajtohen sa më objektivisht, pa anuar kah aspiratat e grupeve specifike, të vogla apo të fuqishme.

Që projekti të realizohet në nivel sa më profesional dhe korrekt është e domosdoshme që mbas tij të qëndrojnë një grup individësh të gatshëm të japin kontributin e tyre. Gjithashtu ky projekt duhet të ketë mbështetje materiale ku mungesa e së cilës e pamundëson realizimin e tij.

Bëhuni pjesë e këtij projekti dhe ndihmoni që interneti si medium i ri të shfrytëzohet në masë sa më të gjërë për kauzën Islame. Shfrytëzoni rastin dhe zgjeroni vizionin tuaj që të mos ngeleni mbrapa.

mr. Imer Gruda